Mae'r cerflun nodedig hwn wedi'i gerfio o galchfaen.
Dros y blynyddoedd mae llawer o deuluoedd wedi tynnu lluniau o'u hunain yn syllu drwy'r tyllau!
Crëwyd y cerflun carreg hwn ym 1988 gan y cerflunydd John Maine, ac roedd yn un o'r cerfluniau cyntaf i gael ei arddangos ym Mharc Margam yn ystod ei gyfnod fel un o'r tri pharc cerfluniau pwysicaf ym Mhrydain.
Mae'r elfennau wedi'i ddifrodi dros amser, ond mae wedi cadw’i siâp a'i ansawdd gwreiddiol yn rhyfeddol o dda. Mae'r cerflun wedi'i wneud o garreg Portland a chalchfaen, sy'n wyn ac yn felyn yn ei gyflwr gwreiddiol. Mae'n eithaf mawr, tua phum troedfedd o uchder a thua chwe throedfedd o led. Fe'i gwnaed mewn dwy adran, gyda'r un uchaf yn gorffwys ar yr un isaf, a gellir dod o hyd iddo wrth ymyl y llwybr rhwng yr Orendy a'r pentref tylwyth teg.
Mae'r cerflunydd wedi treulio cryn dipyn o amser ac ymdrech yn llunio dwy ran y cerflun ac mae wedi llwyddo i greu ansawdd llyfn iawn ar yr wyneb. Mae'r arwyneb yn llyfn iawn i'w gyffwrdd hyd heddiw, ac mae'r ddwy adran yn ymddangos yn gwbl gyfartal, ac yn ffitio i'w gilydd fel cymal dynol. Mae rhai pobl wedi awgrymu bod y cerrig yn edrych fel cymylau, ac mae eraill yn methu gweld unrhyw beth yno o gwbl, a allai ddangos pam y penderfynodd y creawdwr ar yr enw hwn ar gyfer ei gerflun. Hyd yn oed os nad yw'n cynrychioli unrhyw beth mewn gwirionedd, mae'n ddarn ardderchog o waith carreg ynddo'i hun. Mae'r artist wedi defnyddio'i sgiliau'n arbenigol gyda darnau o garreg sy'n drwm iawn, ac eto'n edrych yn ysgafn ar eu ffurf gerfluniedig. Mae'r cerflun hefyd wedi dechrau cuddliwio'i hun i’w amgylchoedd gan ei fod wedi'i orchuddio ag algâu sydd wedi'i liwio'n wyrdd ac yn felyn.
Gellir ei weld ar y lawnt yn agos i bentref tylwyth teg y plant yng Ngerddi'r Orendy